மூடநம்பிக்கைகளுக்கு முற்று புள்ளி வைத்த பள்ளிக்கல்வித்துறை அமைச்சர் திரு. அன்பில் மகேஷ்!

மூடநம்பிக்கைகளுக்கு முற்று புள்ளி வைத்த பள்ளிக்கல்வித்துறை அமைச்சர் திரு. அன்பில் மகேஷ்!

ஆன்மீக சொற்பொழிவின்போது பகுத்தறிவுக்கு எதிரான கருத்துக்களை கண்டித்து கேள்வி எழுப்பிய பார்வை மாற்றுத் திறனாளி ஆசிரியருக்கு அமைச்சர் அன்பில் மகேஸ் பாராட்டுக்களை தெரிவித்துள்ளார்.

மேலும் ஆசிரியர்களுக்கு மாணவிகள் பாதபூஜை செய்வது போன்ற காணொளிக்கு ” தான் ஆசிரியர்களை பெரிதும் மதிப்பதாகவும், பள்ளிகளுக்கு பார்வையிட சென்றால் தலைமையாசிரியர் இருக்கையில் இதுவரை அமர்த்திந்ததில்லை எனவும், பாதபூஜை போன்ற செயல்கள் இனி நடைபெறாதவாறு நடவடிக்கை எடுக்கப்படும் என உறுதியளித்தார்.

கல்விக்கு சம்மந்தமில்லாத எந்த நிகழ்ச்சிகளும் இனி அரசு அனுமதி இன்றி பள்ளிகளில் நடத்தக் கூடாது என தமிழக பள்ளிக்கல்வித்துறை செயலாளர் சோ. மதுமதி உத்தரவிட்டுள்ளார்.

மேலும் சென்னை, அசோக்நகர் அரசினர் மகளிர் மேல்நிலைப்பள்ளியில் மூடநம்பிக்கைகளை விதைக்கும் வகையில் ஒரு நிகழ்ச்சி வீடியோக்கள் சமூக வலைத்தளங்களில் வெளியாகி பெரும் சர்ச்சையை ஏற்படுத்தின.

மந்திரம் சொன்னால் பிரபஞ்ச சக்தி இறங்கும் என மூடநம்பிக்கைகளை விதைக்கும் வகையில் ஒரு நிகழ்ச்சி நடத்தப்பட்டு இருக்கிறது.

மகாவிஷ்ணு என்பவர் தன்னம்பிக்கை குறித்த பேச்சு என்ற தலைப்பில் முழுமையாக ஆன்மிக சொற்பொழிவை நிகழ்த்தியுள்ளார்.

பாவங்களுக்கு ஏற்ப இந்த ஜென்மம் கடவுளால் படைக்கப்பட்டிருக்கிறது என்று மாணவர்கள் மத்தியில் அவர் பேசியிருக்கிறார்.

நிகழ்ச்சிகளைக் கண்டித்து, இந்திய மாணவர் சங்கத்தைச் சேர்ந்த மாணவ, மாணவிகள் இன்று காலை அந்த பள்ளியின் முன் கூடினர்.

மூடநம்பிக்கையை வளர்க்கும் இது போன்ற நிகழ்ச்சியை நடத்த அனுமதி அளித்தது யார் என்று கேள்வி எழுப்பிய அவர்கள், நிகழ்ச்சிக்கு ஏற்பாடு செய்தவர்கள் மீது நடவடிக்கை எடுக்க வலியுறுத்தினர்.

பள்ளிக் கல்வித்துறை முதன்மை செயலாளர் சோ.மதுமதி தெரிவித்துள்ளார். கல்விக்கு சம்மந்தமில்லாத எந்த நிகழ்ச்சிகளும் இனி அரசு அனுமதி இன்றி பள்ளிகளில் நடத்தக்கூடாது எனவும் மீறினால் கடும் நடவடிக்கை எடுக்கப்படும் என எச்சரித்துள்ளார்.