அரசியல் சாணக்கியர் பிரசாந்த் கிஷோர் படுதோல்வி!

4 சட்டப்பேரவை இடைத்தேர்தல் போட்டியிட்ட தேர்தல் வியூக வகுப்பாளரான பிரசாந்த் கிஷோரின் ஜன் சூரஜ் கட்சி படுதோல்வியை சந்தித்துள்ளது.

4 சட்டப்பேரவைத் தொகுதிகளுக்கு அண்மையில் இடைத்தேர்தல் அறிவிக்கப்பட்டது.

ராம்கார், தராரி, பெலகஞ்ச் மற்றும் இமாம்கஞ்சு ஆகிய 4 தொகுதிகளுக்கு கடந்த நவ.10ம் தேதி இடைத்தேர்தல் நடைபெற்றது. .
தேர்தலில் பாஜக தலைமையிலான தேசிய ஜனநாயக கூட்டணி, காங்கிரஸ் தலைமையிலான இந்தியா கூட்டணி உள்ளிட்ட கட்சிகள் போட்டியிட்டன.

இந்த இடைத்தேர்தலுக்கான வாக்கு எண்ணிக்கை இன்று நடைபெற்று வருகிறது.

பீகாரில் புதிதாக கட்சி ஆரம்பித்த பிரபல அரசியல் ஆலோசகர் மற்றும் தேர்தல் வியூக வகுப்பாளரான பிரசாந்த் கிஷோரின் ஜன் சூரஜ் கட்சியும் இந்த இடைத்தேர்தலில் போட்டியிட்டது.

பல கட்சிகளுக்கு வெற்றி அடைய வியூகம் வகுக்கும் பிரசாந்த் கிஷோர் வெற்றி பெற செய்வார் என்ற எதிர்பார்ப்பு பலருக்கும் இருந்தது

இடைத்தேர்தல் நடைபெற்ற 4 தொகுதிகளிலும் பிரசாந்த் கிஷோரின் ஜன் சுராஜ் கட்சி படுதோல்வியை சந்தித்துள்ளது.

4 தொகுதிகளிலும் பாஜக கூட்டணி வெற்றி பெற்றுள்ளது.