மழை பாதிப்புகள் எதையும் சமாளிக்க தயார்! முதல்வர் மு.க.ஸ்டாலின் பேட்டி!

தமிழ்நாடு முழுவதும் தொடர்ந்து பெய்த கனமழையால், சென்னையின் முக்கிய ஏரிகளில் இருந்து நீர் திறந்து விடப்பட்டுள்ளது.

தென்மேற்கு வங்கக்கடலில் உருவான ஆழ்ந்த காற்றழுத்த தாழ்வுபகுதி காரணமாக, மாநிலம் முழுவதும் பெரும்பாலான மாவட்டங்களில் நேற்று கனமழை பெய்தது.

ஏரிகள் மற்றும் அணைகளின் நீர்வரத்து அதிகரித்து வருகிறது.

நீர் ஆதாரங்களில் இருந்து முன்னெச்சரிக்கை நடவடிக்கையாக நீரானது வெளியேற்றப்பட்டு வருகிறது.

புழல் ஏரியில் முதற்கட்டமாக விநாடிக்கு 500 கன அடி நீர் திறக்கப்பட்டுள்ளது.

செம்பரம்பாக்கம் ஏரியின் முதற்கட்டமாக விநாடிக்கு 1,000 கனஅடி திறக்கப்பட்டுள்ளது

பூண்டி ஏரியில் இருந்து தற்போது 12 ஆயிரம் கனஅடி நீர் திறக்கப்படுகிறது.ஆற்றங்கரையோரம் வசிக்கும் மக்களுக்கு வெள்ள அபாய எச்சரிக்கை விடப்பட்டுள்ளது.

முதலமைச்சர் மு.க.ஸ்டாலின் செய்தியாளர்களிடம் பேசியதாவது,

கனமழை குறித்து 2 நாட்களாக ஆய்வு பணிகள் மேற்கொள்ளப்பட்டு வருகிறது. இதுவரை பெரிய அளவில் எந்த பாதிப்பும் ஏற்படவில்லை. எது வந்தாலும் சமாளிக்க தயார் நிலையில் உள்ளோம். தென்காசி, திருநெல்வேலி பகுதிகளில் அமைச்சர்கள் ஆய்வு மேற்கொண்டு வருகின்றனர். ஏரிகளில் உபரிநீர் திறக்கப்பட்டு வரும் நிலையில் முன்னெச்சரிக்கை நடவடிக்கையாக கரையோர மக்கள் அங்கிருந்து அப்புறப்படுத்தப்பட்டு முகாம்களில் தங்க வைக்கப்பட்டுள்ளனர். ஒரே நாடு ஒரே தேர்தல் மசோதாவை எங்களால் முடிந்தவரை ஒன்று கடுமையாக எதிர்ப்போம்” என கூறினார்.