அர்ச்சகர் மாணவர்கள் உச்ச நீதிமன்றத்தில் இடையீட்டு மனு

அர்ச்சகர் மாணவர்கள் உச்ச நீதிமன்றத்தில் இடையீட்டு மனு

 

அரசாணைக்கு விதிக்கப்பட்ட தடையை எதிர்த்து, அர்ச்சகர் பயிற்சி முடித்த மாணவர்கள் சங்கம் சார்பில் உச்ச நீதிமன்றத்தில் இடையீட்டு மனு தாக்கல் செய்யப்பட்டுள்ளன.

2006 ஆம் ஆண்டு தமிழ்நாடு அரசு “அனைத்து சாதியினரும் அர்ச்சகர் ஆகலாம்” என்ற அரசாணையை பிறப்பித்தது.

இந்த அரசாணையின்படி அரசு நடத்திய அர்ச்சகர் பயிற்சி மூலம் பலர் தேர்ச்சி பெற்றனர்.

பயிற்சி முடித்திருந்தும் மாணவர்களுக்கு பணி நியமனம் கிடைக்கவில்லை.

ஆதி சிவாச்சாரியார்கள் சங்கம், “அனைத்து சாதியினரும் அர்ச்சகர் ஆகலாம்” என்ற அரசாணையை எதிர்த்து உச்ச நீதிமன்றத்தில் வழக்கு தொடர்ந்தது.

கோயில்களுக்கு ஆகம விதிப்படியே அர்ச்சகர்களை நியமிக்க வேண்டும் என்றும், அனைத்து சாதியினரையும் அர்ச்சகராக்கும் நடைமுறைக்கு தடை விதிக்க வேண்டும் என்றும் அவர்கள் கோரினர்.

உச்ச நீதிமன்றம் இந்த கோரிக்கையை ஏற்று இடைக்கால தடை விதித்தது.

இந்த இடைக்கால தடை உத்தரவால் வாழ்வாதாரம் பாதிக்கப்பட்டுள்ளதாக பயிற்சி முடித்த மாணவர்கள் உச்ச நீதிமன்றத்தில் இடையீட்டு மனு தாக்கல் செய்யப்பட்டுள்ளது.

இந்த மனுவை சங்கத்தின் தலைவர் அரங்கநாதன் தாக்கல் செய்துள்ளார்.

முறையாக பயிற்சி பெற்றும், அர்ச்சகர்களாக நியமிக்கப்படவில்லை.
தகுதியின் அடிப்படையிலும், இந்து அறநிலையத் துறை நடத்திய தேர்வுகள் மற்றும் மதிப்பெண்களின் அடிப்படையிலும் தங்களுக்கு பணி நியமனம் வழங்க உத்தரவிட வேண்டும்.
இந்த வழக்கை விரைவாக விசாரித்து முடித்து உரிய உத்தரவை பிறப்பிக்க வேண்டும்.

எனவே, இந்த இடையீட்டு மனுவை ஏற்று, பயிற்சி பெற்ற அர்ச்சகர்களுக்கு பணி நியமனம் வழங்க உச்ச நீதிமன்றம் உத்தரவிட வேண்டும் என்று அவர்கள் கோரிக்கை வைத்துள்ளனர்.