டெல்லி அணியில் இருந்து மிட்செல் ஸ்டார்க் விலகல்

டெல்லி அணியில் இருந்து மிட்செல் ஸ்டார்க் விலகல்

டெல்லி அணியின் முக்கியமான வேகப்பந்து வீச்சாளரான மிட்செல் ஸ்டார்க் போட்டிகளில் இருந்து விலகுகிறார்.

இந்தியா மற்றும் பாகிஸ்தான் இடையே நிலவிய போர் பதற்றம் காரணமாக இந்த ஆண்டு ஐபிஎல் போட்டிகள் பாதியில் நிறுத்தப்பட்டன.

கிரிக்கெட் ரசிகர்கள் மத்தியில் வருத்தத்தை ஏற்படுத்தியது.

பின்னர், மீதமுள்ள லீக் மற்றும் பிளே ஆஃப் போட்டிகள் ஜூன் 3 ஆம் தேதி வரை நடைபெறும் என்று அறிவிக்கப்பட்டது.

டெல்லி அணி தற்போது புள்ளிப் பட்டியலில் 13 புள்ளிகளுடன் 5வது இடத்தில் உள்ளது.

இன்னும் மூன்று லீக் போட்டிகளில் விளையாட வேண்டியுள்ளது. அந்த போட்டிகள் குஜராத் டைட்டன்ஸ், மும்பை இந்தியன்ஸ் மற்றும் பஞ்சாப் கிங்ஸ் ஆகிய அணிகளுக்கு எதிராக நடைபெற உள்ளன.

ஐபிஎல் தொடரில் டெல்லி அணிக்காக சிறப்பாக விளையாடி 14 விக்கெட்டுகளை வீழ்த்தினார் மிட்செல் ஸ்டார்க். ஹைதராபாத் அணிக்கு எதிரான போட்டியில் அவர் 5 விக்கெட்டுகளை கைப்பற்றி அசத்தினார்.

இந்த நிலையில் திடீரென மிட்செல் ஸ்டார்க் அணியிலிருந்து விலகுகிறார் .மிட்செல் ஸ்டார்க்கிற்கு பதிலாக பங்களாதேஷ் அணியின் வேகப்பந்து வீச்சாளர் முஸ்தஃபிசூர் ரஹ்மான் டெல்லி அணியில் மாற்று வீரராக சேர்க்கப்பட்டுள்ளார்.

இந்த செய்தி டெல்லி கேப்பிடல்ஸ் அணிக்கு ஒரு முக்கியமான திருப்பத்தை ஏற்படுத்தியுள்ளது. முன்னணி வீரர் விலகிய நிலையில், அணி எவ்வாறு செயல்படப் போகிறது மற்றும் பிளே ஆஃப் வாய்ப்பை தக்கவைக்கப் போகிறதா என ரசிகர்களின் மத்தியில் ஆர்வத்தையும்,பதட்டத்தையும் ஏற்படுத்தியுள்ளது.