நிதி ஆயோக் கூட்டத்தில் பிரதமர் மோடியை சந்திக்கவுள்ளார் மு.க. ஸ்டாலின்

நிதி ஆயோக் கூட்ட இடைவேளையில் பிரதமர் மோடியை சந்திக்க நேரம் ஒதுக்க கோரியுள்ளார் தமிழக முதல்வர் மு.க. ஸ்டாலின்.

பிரதமர் மோடி தலைமையில் நிதி ஆயோக் அமைப்பின் கூட்டம் நாளை நடைபெறவுள்ளது.

இந்த கூட்டத்தில் பங்கேற்பதற்காக தமிழ்நாடு முதலமைச்சர் மு.க. ஸ்டாலின் இன்று (மே 23, 2025) காலை டெல்லி புறப்பட்டுச் சென்றார்.

அவர் டெல்லியில் தரையிறங்கியதும், தி.மு.க. அமைச்சர்கள் மற்றும் தொண்டர்கள் அவருக்கு உற்சாக வரவேற்பு அளித்தனர்.

முதலமைச்சர் மு.க. ஸ்டாலின் காங்கிரஸ் மூத்த தலைவர் சோனியா காந்தி மற்றும் மக்களவை எதிர்க்கட்சித் தலைவர் ராகுல் காந்தியுடன் சந்திப்பு நடத்தியுள்ளார்.

நாளை நடைபெறும் நிதி ஆயோக் நிர்வாக குழு கூட்டத்தின் இடைவேளையில் பிரதமர் மோடியை சந்திப்பதற்கு தமிழ்நாடு முதலமைச்சர் சார்பில் நேரம் கோரப்பட்டுள்ளது.

நிதி ஆயோக் கூட்டம், மாநில முதலமைச்சர்கள் மற்றும் யூனியன் பிரதேச துணை நிலை ஆளுநர்களுடன் இணைந்து, தேசிய கொள்கைகள் மற்றும் வளர்ச்சி உத்திகள் குறித்து பேசுவதாகும்.

இந்த சந்திப்பின்போது, தமிழ்நாட்டிற்குத் தேவையான நிதி உரிமைகள் மற்றும் மத்திய அரசுடனான மாநிலத்தின் கோரிக்கைகள் குறித்து பிரதமர் மோடியிடம் முதலமைச்சர் ஸ்டாலின் வலியுறுத்துவார் என எதிர்பார்க்கப்படுகிறது.

marieeswari