ஸ்ரீவில்லிபுத்தூர் ஆண்டாள் கோயில் அர்த்த மண்டபத்தில் இருந்து இளையராஜா வெளியேற்றம்!

விருதுநகர் மாவட்டம் ஸ்ரீவில்லிபுத்தூரில்  புகழ்பெற்ற ஸ்ரீ ஆண்டாள் கோயில் அமைந்துள்ளது.

ஆடி பூர கொட்டகையில் இளையராஜா இசையமைத்து வெளியான திவ்ய பாசுரம் நாட்டியாஞ்சலி நிகழ்ச்சி நடைபெற்றது.

இளையராஜாவுக்கு பூரண கும்ப மரியாதை அளிக்கப்பட்டது.

ஜீயர்கள் கோயில் கருவறை முன்புள்ள அர்த்த மண்டபத்திற்குள் சென்றபோது, இளையராஜாவும் உள்ளே சென்றார்.

கண்ட ஜீயர்களும் பட்டர்களும் இளையராஜாவை மண்டபத்திற்கு வெளியே நிற்குமாறு கூறினர்.

பிறகு மண்டபத்திற்கு வெளியே சென்ற இளையராஜா, அங்கிருந்தபடியே வழிபாடு செய்தார்.

ஸ்ரீவில்லுபுத்தூர் ஆண்டாள் கோயிலின் அர்த்த மண்டபத்திற்குள் இளையராஜா செல்ல அனுமதி மறுக்கப்பட்டது குறித்து பல்வேறு தரப்பினரும் தங்களின் கருத்துக்களை பதிவிட்டு வருகின்றனர்.