தங்கம் விலை உயர்வு!

சென்னையில் ஆபரண தங்கம் ரூ.80 உயர்ந்து ஒரு சவரன் ரூ.57 ஆயிரத்து 200-க்கு விற்பனை செய்யப்படுகிறது.

இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. ஏற்ற, இறக்கத்துடன் காணப்பட்டு வந்த தங்கம் விலை கடந்த அக்டோபர் மாதம் 30-ம் தேதி ஒரு சவரன் ரூ.59 ஆயிரத்தை கடந்து புதிய உச்சத்தை தொட்டது.

நவம்பர் மாத தொடக்கத்தில் இருந்தே தங்கம் விலை ஏற்ற, இறக்கத்துடன் காணப்பட்டு வருகிறது.

சென்னையில் நேற்று தங்கம் விலையில் மாற்றமின்றி ஒரு கிராம் தங்கம் ரூ.7 ஆயிரத்து 140-க்கும் ஒரு சவரன் ரூ.57 ஆயிரத்து 120-க்கும் விற்பனையானது.

தங்கம் சவரனுக்கு ரூ.80 உயர்ந்து ஒரு சவரன் ரூ.57 ஆயிரத்து 200-க்கும் கிராமுக்கு10 ரூபாய் உயர்ந்து ஒரு கிராம் ரூ.7 ஆயிரத்து 150-க்கும் விற்பனை செய்யப்படுகிறது.

ஒரு கிராம் வெள்ளி 100 ரூபாய்க்கும், ஒரு கிலோ வெள்ளி ஒரு லட்சத்திற்கும் விற்பனை செய்யப்படுகிறது.