தொழிலாளர்களுக்கு முதலமைச்சர் மு.க.ஸ்டாலின் வாழ்த்து

தொழிலாளர்களுக்கு முதலமைச்சர் மு.க.ஸ்டாலின் வாழ்த்து

 

முதலமைச்சர் மு.க.ஸ்டாலின் மே தினத்தில் தொழிலாளர்கள் அனைவருக்கும் வாழ்த்து தெரிவித்தார்

மே தினம் (சர்வதேச தொழிலாளர் தினம்) உலகம் முழுவதும் கொண்டாடப்படுகிறது.

தொழிலாளர்களின் உரிமைகளுக்காக போராடியவர்களின் தியாகத்தை நினைவுகூரும் நாள். அவர்களின் வாழ்க்கைத் தரத்தை மேம்படுத்தவும் உறுதி ஏற்கும் நாள்.

இந்த தினத்தை முன்னிட்டு தொழிலாளர்களுக்கு முதலமைச்சர் மு.க.ஸ்டாலின் வாழ்த்து தெரிவித்தார்.

சென்னை சிந்தாதிரிப்பேட்டையில் உள்ள மே தின நினைவுச் சின்னத்தில் மலர் வளையம் வைத்து அஞ்சலி செலுத்தினார்.

துணை முதலமைச்சர் உதயநிதி ஸ்டாலின் மற்றும் திமுக நிர்வாகிகள், தொமு நிர்வாகிகளும் மரியாதை செலுத்தினர்.

அனைவரும் உழைப்பாளர் தின உறுதிமொழியை ஏற்றனர்.

தொழிலாளர்களை “தோழர்” என்று அழைத்தது பெரியார் எனவும், கருணாநிதி ஊதியத்துடன் கூடிய விடுமுறையை மே தினத்தில் கொண்டு வந்ததையும் அவர் கூறினார்.

அறிஞர் அண்ணா தொழிலாளர்களின் பங்களிப்பை எடுத்துரைத்ததையும் நினைவு கூர்ந்தார்.

கடந்த நான்கு ஆண்டுகளில், திமுக அரசு 28 லட்சத்துக்கும் அதிகமான அமைப்பு சாரா தொழிலாளர்களுக்கு நலத்திட்டங்களை வழங்கியுள்ளது.

உலகப்புகழ் பெற்ற பொதுவுடமை வழிகாட்டி கார்ல் மார்க்ஸின் சிலை சென்னையில் விரைவில் அமைக்கப்படும் என சட்டமன்றத்தில் அறிவிக்கப்பட்டதைத் தெரிவித்தார்.

புதிய திட்டங்களை செயல்படுத்தும் போது, வேலைவாய்ப்புகளை உருவாக்குவதை அரசு உறுதி செய்கிறது.
இந்த அரசு சாமானிய மக்களுக்கான சாமானிய ஆட்சி என்று அவர் கூறினார்.