வெளியானது பிளஸ் 2 பொதுத் தேர்வு முடிவுகள்

வெளியானது பிளஸ் 2 பொதுத் தேர்வு முடிவுகள்

 

தமிழகத்தில் 2025 ஆம் ஆண்டுக்கான பிளஸ் 2 பொதுத் தேர்வு முடிவுகள் இன்று (மே 8, 2025) வெளியிடப்பட்டுள்ளன.

பள்ளிக்கல்வித் துறை அமைச்சர் அன்பில் மகேஸ் பொய்யாமொழி பொதுத் தேர்வு முடிவுகளை அதிகாரப்பூர்வமாக வெளியிட்டார்.

மார்ச் 3 ஆம் தேதி முதல் 25 ஆம் தேதி வரை பிளஸ் 2 பொதுத் தேர்வுகள் நடைபெற்றன.

ஏப்ரல் 4 ஆம் தேதி விடைத்தாள் திருத்தும் பணி தொடங்கி,ஏப்ரல் 15 ஆம் தேதியே முடிவடைந்தது.

இந்த ஆண்டு மொத்தம் 8 லட்சத்து 21 ஆயிரத்து 57 மாணவ, மாணவிகள் தேர்வு எழுதினர்.

தமிழகம் முழுவதும் 3 ஆயிரத்து 316 தேர்வு மையங்கள் அமைக்கப்பட்டிருந்தன.

இந்த ஆண்டு பிளஸ் 2 தேர்வில் மொத்தம் 7 லட்சத்து 53 ஆயிரத்து 142 மாணவ, மாணவிகள் தேர்ச்சி பெற்றுள்ளனர்.

மாணவிகளின் தேர்ச்சி சதவீதம் 96.70%

மாணவர்களின் தேர்ச்சி சதவீதம் 93.16%

மாணவர்களை விட மாணவிகளே அதிக அளவில் தேர்ச்சி பெற்றுள்ளனர்.

அரசு பள்ளிகளின் தேர்ச்சி சதவீதம் 91.44% ஆக உள்ளது.

மாவட்ட அளவில் அரியலூர் மாவட்டம் 98.82% தேர்ச்சி பெற்று முதலிடத்தில் உள்ளது.

ஈரோடு (96.88%), திருப்பூர் (95.64%), கன்னியாகுமரி (95.06%) மற்றும் கடலூர் (94.99%) ஆகிய மாவட்டங்கள் அடுத்தடுத்த இடங்களில் உள்ளன.

தேர்வு முடிவுகளை மாணவர்கள் தமிழ்நாடு அரசுத் தேர்வுகளின் இணையதளங்களான tnresults.nic.in மற்றும் dge.tn.gov.in ஆகிய இணையதளங்களில் தங்களது பதிவு எண் மற்றும் பிறந்த தேதியைப் பயன்படுத்தித் தேர்வு முடிவுகளைத் தெரிந்துகொள்ளலாம்.