இன்றைய சமையல்: கோவில் புளியோதரை

இன்றைய சமையல்: கோவில் புளியோதரை

 

தேவையான பொருட்கள்:

புளி – ஒரு பெரிய எலுமிச்சை அளவு
சாதம் – 2 கப் (சமைத்து ஆறவைத்தது)
நல்லெண்ணெய் – 4 தேக்கரண்டி
கடுகு – 1 தேக்கரண்டி
உளுத்தம்பருப்பு – 1 தேக்கரண்டி
கடலைப்பருப்பு – 1 தேக்கரண்டி
வேர்க்கடலை – 2 தேக்கரண்டி (வறுத்தது)
காய்ந்த மிளகாய் – 2
கறிவேப்பிலை – ஒரு கொத்து
பெருங்காயம் – 1/4 தேக்கரண்டி
மஞ்சள் தூள் – 1/4 தேக்கரண்டி
உப்பு – தேவையான அளவு
வெல்லம் – 1/2 தேக்கரண்டி (விரும்பினால்)

வறுத்து பொடிக்க:

நல்லெண்ணெய் – 1/2 தேக்கரண்டி
கொத்தமல்லி விதை – 1 தேக்கரண்டி
உளுத்தம்பருப்பு – 1 தேக்கரண்டி
கடலைப்பருப்பு – 1 தேக்கரண்டி
மிளகு – 1/4 தேக்கரண்டி
வெந்தயம் – 1/4 தேக்கரண்டி
காய்ந்த மிளகாய் – 3-4
எள் – 1/2 தேக்கரண்டி

செய்முறை:

புளியை வெதுவெதுப்பான நீரில் ஊறவைத்து, கெட்டியான சாறு எடுத்து வடிகட்டி வைக்கவும்.

வறுத்து பொடிக்க கொடுக்கப்பட்டுள்ள பொருட்களை (எள் தவிர) வெறும் வாணலியில் லேசாக வறுத்து ஆற வைக்கவும். ஆறியதும் எள்ளையும் சேர்த்து மிக்ஸியில் பொடியாக அரைத்துக்கொள்ளவும்.

சமைத்த சாதத்தில் மஞ்சள் தூள் மற்றும் சிறிது நல்லெண்ணெய் சேர்த்து கலந்து வைக்கவும்.

வாணலியில் நல்லெண்ணெய் ஊற்றி காய்ந்ததும் கடுகு, உளுத்தம்பருப்பு, கடலைப்பருப்பு, வேர்க்கடலை, காய்ந்த மிளகாய் மற்றும் கறிவேப்பிலை சேர்த்து தாளிக்கவும்.

பெருங்காயத்தூள் சேர்த்து புளிச்சாற்றை ஊற்றி, உப்பு மற்றும் வெல்லம் சேர்த்து கொதிக்க விடவும்.

புளிச்சாறு கெட்டியாகி எண்ணெய் பிரிய ஆரம்பித்ததும் அரைத்த பொடியை சேர்த்து நன்றாக கலக்கவும்.

இந்த புளிக்காய்ச்சலை ஆறவைத்த சாதத்தில் சிறிது சிறிதாக சேர்த்து கிளறவும்.

சுவையான கோவில் புளியோதரை தயார்!