india

விண்ணில் பாயவுள்ள பி.எஸ்.எல்.வி. சி-61 ராக்கெட்

இந்திய விண்வெளி ஆராய்ச்சி நிறுவனம் (இஸ்ரோ), பி.எஸ்.எல்.வி. சி-61 ராக்கெட்டை வரும் மே 18-ம் தேதி காலை 6.59 மணிக்கு விண்ணில் ஏவ திட்டமிட்டுள்ளது.

இந்த ஏவுதல் ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் இருந்து நடைபெறும்.

நாட்டின் எல்லைகளைக் கண்காணிக்கும் திறன் கொண்ட ரிசாட்-1பி (RISAT-1B) ரேடார் இமேஜிங் செயற்கைக்கோளை விண்ணில் நிலை நிறுத்துவதே இந்த ராக்கெட்டின் முக்கிய நோக்கம்.

பி.எஸ்.எல்.வி. சி-61 ராக்கெட்டில் 1,710 கிலோ எடை கொண்ட இ.ஓ.எஸ்-09 (Earth Observation Satellite – 09) என்ற பூமி கண்காணிப்பு செயற்கைக்கோள் பொருத்தப்பட்டுள்ளது.

ரிசாட்-1பி என்பது இந்த இ.ஓ.எஸ்-09 செயற்கைக்கோளின் ஒரு பகுதியாகும். இது ரேடார் மூலம் பூமியை படம்பிடிக்கும் திறன் கொண்டது.

இந்த செயற்கைக்கோள் நாட்டின் எல்லைப் பகுதிகளைத் துல்லியமாக கண்காணிக்க உதவும். இதன் மூலம் ஊடுருவல் மற்றும் பிற அச்சுறுத்தல்களைக் கண்காணிக்க முடியும்.

இந்தியாவின் வளர்ந்து வரும் பூமி கண்காணிப்பு பணிகளில் இந்த செயற்கைக்கோள் முக்கிய பங்காற்றும்.

பரந்த நிலப்பரப்பில் நிகழும் நிகழ்வுகளை உடனுக்குடன் புகைப்படங்களாக அனுப்பும் திறன் கொண்டது.

அனைத்து வகையான வானிலை நிலவரங்களையும் விண்வெளியில் இருந்து துல்லியமாக சேகரித்து அனுப்பும். மேகமூட்டமாக இருந்தாலும் படங்களை எடுக்க முடியும் என்பது இதன் சிறப்பம்சம்.

இந்த செயற்கைக்கோளில் பல்வேறு அதிநவீன தொழில்நுட்ப கருவிகள் பொருத்தப்பட்டுள்ளன.

ரிசாட்-1பி போன்ற செயற்கைக்கோள்கள் நாட்டின் பாதுகாப்பை உறுதி செய்வதில் முக்கிய பங்கு வகிக்கும்.

இந்த ராக்கெட் ஏவுதலின் மூலம், இந்தியாவின் விண்வெளி சாதனைகள் மட்டுமல்ல, அதன் பாதுகாப்பு மற்றும் உள்நாட்டு பாதுகாப்பு முயற்சிகளும் மிக உயர்ந்த பரிமாணத்திற்கேறுகின்றன. மே 18ம் தேதி ஏவப்படும் PSLV-C61 மற்றும் அதில் ஏற்கப்படும் EOS-09 செயற்கைக்கோள், இந்தியாவின் உள்நாட்டு பாதுகாப்பு, தொழில்நுட்ப மேம்பாடு மற்றும் ஆராய்ச்சி முயற்சிகளில் ஒரு புதிய முன்னேற்றமாக பார்க்கப்படுகிறது.

marieeswari